پلان بۆ دابینکرنی دۆمەینێکی تایبەت بە کوردستان دادەنرێت

وەزارەتی گواستنەوە و گەیاندن پلان بۆ دابینکردنی دۆمەینێکی تایبەت بە کوردستان دادەنێت و گفتوگۆ لەسەر چۆنیەتی بەدەستهێنان و قۆناغەکانی کار و دانانی پلان کرا.

سەر لە بەیانی ئەمرۆ بە ئامادەبوونی بەڕێز “انور جبلی شابۆ” وەزیری گواستنەوە و گەیاندن و راوێژکاران و بەڕێوەبەرە گشتییەکانی وەزارەت، بەڕێز “ئاراس نوری” زانستخوازێکی کوردستانی کە کار بۆ دابینکردنی دۆمەینێکی تایبەت بە کوردستان دەکات، ئەو پڕۆژەیەی خستەڕوو و باسی لە قۆناغەکانی بەدەستهێنانی ئەو دۆمەینە کرد و رێوشوینی بەدەستهێنانی کرد.

دواتر گفتوگۆ لەو بارەیەوە دەستی پێکرد و بە وردی هەموو وردەکارییەکان خرانە روو.

لە لایەن خۆشیەوە بەڕێز وەزیری گواستنەوە و گەیاندن پشتگیری خۆی بۆ ئەو پڕۆژەیە دەربڕی و پاڵپشتی حکومەتی هەرێمی لە هەر پڕۆژەیەک کە خزمەت بە کوردستان و کوردستانیان بگەیەنێت خستەڕوو.

ئەم خستنە ڕوویە لە بەشێکی کۆبوونەوەی ئاسایی دەستەی راوێژکاری وەزارەتی گواستنەوە و گەیاندن بوو کە بە سەرۆکایەتی بەڕێز “انور جبلی شابۆ” وەزیری گواستنەوە و گەیاندن و راوێژکاران و بەڕێوەبەرە گشتییەکانی وەزارەت ئەنجامدرا.

سەرچاوە: ماڵپەڕی وەزارەتی گەیاندن و گواستنەوە

Leave a comment ?

13 Comments.

Leave a Comment


NOTE - You can use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>